Deberieda, coche Alianza dla Cultura, sons portaujes dla cultura tl Südtirol.
Cie fej pa l’Alianza dla Cultura?
Lauron coche reprejentanza de nteres dla cultura per ti dé vijibiltà, sensibilisé y crië cunliamënc danter nosc cumëmbri/nosta cumëmbres, ma nia mé. Nëus son na rë ativa a livel de politica culturela, che mira a renfurzé l valor dla cultura te nosta sozietà y a crië cundizions de lëur giustes y stersces per duc y dutes. Ulon vester na plataforma che valorisea la richëza culturela dl Südtirol.
Che é pa l’Alianza dla Cultura?
I sun grups de teater, bliblioteches, coletifs independënc, cors, posć dla leteratöra, ënc de formaziun, grups de bal, assoziaziuns tradizionales, festivals, musighes y bands, orchestres, organisaziuns por mituns y mitans, jogn y jones, museums, galaries, uniuns conzertistiches, ënc por la mediaziun culturala, salfs de proieziun de films, artistes y artisć independënc, lercs d’esposiziun. La cultura é tröpes cosses y nos sun süa rapresentaziun.
La cultura dl Südtirol é dër desvalia, ara vëgn influenzada da mudamënc y se svilupëia tresfora inant. Por chësta rajun orunse rapresenté y sostigní porsones y organisaziuns atives tl monn cultural de döta la provinzia, anfat pro ci grup linguistich che ares toca, sce ares se dá da fá a livel volontar o profescional, é te paisc o te cité, tëgn sön la tradizun o ti vá do ala contemporaneité.