I tignun adöm!

I nes sostignun un cun l’ater y i nes daidun fora. L’Alianza dla Cultura esist porvia de sü comëmbri y sües comëmbres y sambëgn por chisc. Deboriada laurunse por:

Na politica culturala sterscia!

Nosc fin é da analiasé y mioré les condiziuns cheder por l’ativité culturala tl Südtirol – sides a livel volontar co profescional, sura i confins linguistics fora, independentamënter dal post olache an laora. Tres na rëi ampla y cun porsones desvalies che fej pert de nosta assoziaziun orunse avëi n’influënza politica y porté inant temesc zentrai sciöche le smendrimënt dla burocrazia, l’aumënt dl bilanz cultural y na destribuziun iüsta di fonds.

Na rë viva!

Ulon renfurzé l barat de cunescënzes y cumpetënzes tl cheder dl ciamp culturel y mustré coche atëures defrënc y defrëntes lëura y possa mparé la unes dal’autres. Deberieda ulons svilupé y aprufondì tematiches de mpurtanza zentrela. Perchël urganisons regulermënter l “Barat Culturel” (tl mumënt dedicà al tema “Cultura ntlusiva”), scumenciadives tematiches, la nduneda di assoziei y sustenion ancuntedes nfurmeles.

Na cultura vijibla y rica!

Se pruon acioche l valor soziel dla cultura sibe da udëi. Cun ativiteies de sensibilisazion mustrons y sotrissons la mpurtanza che la cultura à per nosta sozietà y si capazità de sustenì la ntegrazion.

Nosta rë pieta bele na ufierta ampla de scumenciadives cultureles y la crësc y se svilupea inant. Chi mancia pa mo? Sambën tu!

Comembranza & cuota assoziativa

Por les cuotes assoziatives adotunse n sistem solidar. Ci ó pa chël dí? Sciöche contribut anual odunse danfora cater scalins da podëi chirí fora, sön la basa dles poscibilités y dla valutaziun de vigni porsona che ó fá pert dl’assoziaziun. Por organisaziuns che é impormó gnüdes metüdes sö é le pröm ann de comembranza debann.

Al nes fajess plajëi da ves dé le bëgnodü te nosta rëi y da ti dé deboriada forma ala cultura dl Südtirol. Por domandes o informaziuns sunse ion a osta desposiziun.

Por damané la comembranza, desćiaria chiló le formular . Scríele fora te dötes sües perts, firmele y mënele via e-mail a info@adkc.it. La domanda de comembranza gnará confermada tles sentades dl consëi diretif che vëgn fates vigni mëis.